Búrkitshi beınelengen fotosýret halyqaralyq IPPA konkýrsynda jeńimpaz atandy
ASTANA. QazAqparat - iPhone Photography Awards 2016 konkýrsynyń ádil qazylar alqasy laýreattardyń esimin jarııalady.
Konkýrsqa túrli iPhone modelderine túsirilgen sýretter qatysqan.
Bul Apple-qurylǵy ıeleri arasynda ótetin álemdegi eń iri mobıldi fotosýretter baıqaýy. Sondyqtan, iPhone Photography Awards talaby - baıqaýǵa jiberilgen sýretter iPhone, Ipod nemese Ipad kómegimen túsirilýi tıis. Mobıldi redaktorlardyń kómegimen fotosýretti óńdeýge bolady, al Photoshop, Lightroom sekildi kásibı fotoredaktorlardy paıdalanýǵa tyıym salynǵan.
«Búrkitshi men búrkit» fotosymen qytaılyq Sıýan Nıý IPPA 2016 jeńimpazy atandy jáne «Jyl fotografy» ataǵyn ıelendi. Konkýrsqa álemniń 139 elinen myńdaǵan fotosýretter jiberilgen.
Búrkitshi - úıretilgen jyrtqysh qustardyń kómegimen ań aýlaıtyn ańshylar. Búrkitshi kásibi uly kóshpendiler urpaqtarynyń aýmaǵynda, ıaǵnı Qazaqstanda, Qyrǵyzstanda, Altaı men Mońǵolııada, Qytaıdyń batys aımaǵynda keń taralǵan. Ǵasyrlar boıy urpaqtan-urpaqqa jetip, sheteldikter qyzyǵyp qaraıtyn bul kásip ulttyń maqtanyshyna aınaldy.
