«Burkit» kórkem fılmi úlken ekranǵa shyǵady

Qazaqstandyq arnaıy jasaq týraly «Burkit» fılmi 2 qarashada kórermenderge jol tartady. Bul týraly Almaty qalasynyń óńirlik kommýnıkatsııalar qyzmeti alańynda belgili boldy, dep habarlaıdy Kazinform.

Fılm prodıýseri, otstavkadaǵy polkovnık, arnaıy jasaq ardageri, «Aıbyn» ordeniniń ıegeri Kamal Jaqsylyqovtyń sózinshe, kartına túsirilimine arnaıy jasaq, áskerı tehnıka jáne avıatsııa, sondaı-aq Ulttyq ulannyń eki júzden astam belsendi áskerı qyzmetshileri qatysty.

«Burkit» fılminiń negizi retinde shynaıy oqıǵalar alyndy - bul jedel-izdestirý is-sharalary. Sýret ekshn kórinisterine toly. Onda kóptegen atys pen apat bar.

«Fılmde akterler tikushaqtan 3 myń metr bıiktikten parashıýtpen shynaıy sekiredi. Ońaı bolǵan joq. Óıtkeni úsh basty keıipker birge sekirýleri kerek edi. Operatorlar bul kadrdy túsirý úshin ózderi de parashıýtpen sekirdi. Atalǵan kadrdy alty kún túsire almadyq, biraq qolymyzdan keldi jáne bári oıdaǵydaı boldy», - dedi Kamal Jaqsylyqov.

Fılm rejısseri – Danııar Ibragımov, operatory - Azamat Dýlatov.

«Burkit» - bul arnaıy jasaqtarda qyzmet etetin úsh dostyń hıkaıasy. Olardyń kúndelikti mindeti - qaýipti qylmystyq toptarǵa qarsy turý. Osyndaı qarama-qaıshylyqtarǵa qaramaı, olarǵa bir-birine degen adal dostyqqa adaldyqty synaý mindeti de tur.

Fılmniń túsirilim jumystary Almaty oblysynyń kórikti jerlerinde, Esik kóliniń taýlarynda jáne Іle ózeniniń boıynda ótken. Basty róldi Sanjar Mádı somdady. Sonymen qatar týyndydan Dáýlet Nurazhanov, Dáýren Serǵazın jáne Asylhan Tólepov jáne basqa akterlerdi kóresizder.

Tolyq metrajdy kartına ekinshi qarasha kúni elimizdiń barlyq kınoteatrlarynda kórsetiledi dep josparlanyp otyr.