«Búrkit» áýe kompanııasynyń Túrkııaǵa kómekke barǵan ushqyshtary marapattaldy

ASTANA. QazAqparat – Búgin «Búrkit» áýe kompanııasynyń Túrkııaǵa qutqarýshylar men gýmanıtarlyq júk jetkizgen ushqyshtary marapattaldy, dep habarlaıdy QazAqparat tilshisi.

Saltanatty is-sharaǵa Prezıdent Іs basqarýshysynyń orynbasary Sergeı Horoshýn arnaıy qatysyp, marapat ıelerin quttyqtady.

«Búrkit» áýe kompanııasynyń qyzmetkerleri Túrkııada bolǵan jer silkinisi saldaryn joıýǵa belsene qatysyp, gýmanıtarlyq júkti, Tótenshe jaǵdaılar mınıstrliginiń izdeý-qutqarý toptary men tehnıkalaryn jetkizdi», - dedi Sergeı Horoshýn.

Prezıdent Іs basqarýshysynyń orynbasary Memleket basshysynyń Jarlyǵyna sáıkes, Il-76 ushaǵynyń shtýrman-nusqaýshysy Nurjan Ospanqulov pen shtýrman Nıkolaı Gýdeevke «Eren eńbegi úshin» medalin tabystady.

Sonymen qatar áýe kompanııasynyń taǵy 15 qyzmetkeri Prezıdenttiń Alǵys hatymen marapattaldy.

«IL-76 ushaǵynyń komandıri men ekıpajy memleketimizdiń, Prezıdentimizdiń qoıǵan maqsat-mindetterin, tapsyrmalaryn tolyqtaı oryndady. Tótenshe jaǵdaılar mınıstrliginiń qutqarýshylary men arnaýly tehnıkalaryn, gýmanıtarlyq júkterdi túrik memleketine ýaqytyly jetkizdik. IL-76 ushaǵynyń ekıpajy Memleket basshysy tapsyrmalaryn oryndaýǵa ár ýaqytta daıyn», - dedi IL-76 ushaǵynyń bortoperator-nusqaýshysy Talǵat Muratov.

Al Il-76 ushaǵynyń shtýrmany Nıkolaı Gýdeev Túrkııaǵa 5 reıs oryndaǵanyn aıtady.«Ekıpaj jedel arada jasaqtaldy. Jalpy 5 ret ushtyq. Úkimetimizge úlken raqmetimizdi aıtamyz. Bári jedel túrde uıymdastyryldy», - dedi Nıkolaı Gýdeev.

Aıta keteıik, N.Ospanqulov pen N.Gýdeev «Búrkit» áýe kompanııasynda 2004 jyldan beri eńbek etedi.Tájirıbeli mamandar ózderiniń kásibı biliktiligimen, jaýaptylyǵymen, adamı qasıetterimen basqa áriptesterine úlgi bolyp júr.