Býrkına-Faso úkimeti barlyq saıası partııalardy taratty, olardyń sany júzden asqan

ASTANA. KAZINFORM – Býrkına-Faso úkimeti eldegi barlyq saıası partııalar men qoǵamdyq uıymdardy taratý týraly sheshim qabyldady. Úkimet qaýlysyna sáıkes, taratylǵan uıymdardyń barlyq múlki memleket menshigine ótedi, dep habarlaıdy Anadolu Ajansı.

Bul sheshim el Mınıstrler keńesiniń otyrysynda qabyldanǵan.

Іshki ister mınıstri Emıl Zerbo partııalyq júıeniń jaǵdaıyna júrgizilgen jan-jaqty taldaý barysynda saıası uıymdardyń qyzmetin retteıtin zańnamanyń kóptegen buzýshylyqtary anyqtalǵanyn aıtty.

Onyń sózinshe, saıası partııalardyń shamadan tys kóp bolýy qoǵamdaǵy alaýyzdyqty kúsheıtedi. Mınıstrdiń málimetinshe, Býrkına-Fasoda 100-den astam saıası partııa tirkelgen.

Úkimet ókilderi partııalardy taratý týraly sheshim ulttyq birlikti saqtaý maqsatynda qabyldanǵanyn atap ótti.

Buǵan deıin Kazinform agenttiginiń halyqaralyq sholýshysy Batys Afrıkadaǵy tóńkerister leginiń sebepterin jáne óńirdiń nege qaıtadan daǵdarys aımaǵyna aınalǵanyn saralaǵan bolatyn.