Býrkına-Faso soltústiginde belgisiz bireýler jeti polıtseıdi óltirip ketti
NUR-SULTAN. QazAqparat – Býrkına-Faso soltústiginde qoldaryna qarý ustaǵan belgisiz bireýlerdiń shabýyly saldarynan polıtsııanyń jeti qyzmetkeri qaza taýyp, taǵy beseýi jaraqat aldy. Bul týraly el úkimetiniń senbi kúni jasaǵan málimdemesine silteme jasap Reuters agenttigi habarlady, dep jazady QazAqparat.
Agenttik málimetinshe, tártip saqshylary juma kúni tańerteń Sahel aımaǵy aýdandarynyń birinde qaýipsizdikti qamtamasyz etý mıssııasyn oryndaý kezinde shabýylǵa ushyraǵan. Zardap shekken bes adamnyń jaǵdaıy týraly aqparat berilgen joq.
El bıliginiń málimdemesine sáıkes, tıisti organdar shabýyl jasaǵandardy izdeý jumystaryna kirisip ketti.
Sońǵy úsh jylda Býrkına-Faso Batys Afrıkadaǵy ıslamshyl toptardyń lańkestik belsendiligin tanytqan oshaqqa aınaldy. Elde «Islam memleketi» lańkestik uıymynyń (Reseıde tyıym salynǵan) qurylymy bolyp tabylatyn «Úlken Saharadaǵy ıslam memleketi» men «Ansar ýl-Islam» toptary áreket etýde. Osy ýqyt aralyǵynda lańkester qolynan 1 myńnan astam beıbit turǵyn qaza tapty, taǵy 1,5 mln astam adam zorlyq-zombylyqqa shydamaı, úılerin tastap ketýge májbúr boldy.
