Burqasyn, jel, kóktaıǵaq – senbige arnalǵan aýa raıy boljamy
NUR-SULTAN. QazAqparat – Senbi elimizdiń basym bóliginde qolaısyz aýa raıy bolady, dep habarlaıdy QazAqparat Qazgıdrometke silteme jasap.
«10 qarashada atmosferalyq frontaldy bólikterdiń ótýine baılanysty elimizdiń basym bóliginde qubylmaly aýa-raıy saqtalady, qar jaýady, jel kúsheıedi, burqasyn soǵyp, kóktaıǵaq bolady. Tek respýblıkanyń ońtústik-batysy men batysynda aýa raıy ashyq. Keı jerlerde tuman kútiledi», delingen sınoptıkterdiń boljamynda.
Shyǵys Qazaqstan oblysynyń keı jerlerinde tuman, kóktaıǵaq, burqasyn kútiledi, jel 15-20 m/s kúsheıedi.
Qaraǵandy, Pavlodar oblystarynyń keı jerlerinde tuman, kóktaıǵaq, jaıaý burqasyn kútiledi, jel 15-20 m/s kúsheıedi.
Aqmola oblysynyń keı jerlerinde tuman, kóktaıǵaq, jaıaý burqasyn kútiledi, túnde jáne tańerteń jel 15-20 m/s kúsheıedi.
Qostanaı oblysynyń keı jerlerinde tuman, kóktaıǵaq, túnde jaıaý burqasyn kútiledi, jel 15-20 m/s kúsheıedi.
Aqtóbe, Soltústik Qazaqstan oblystarynyń keı jerlerinde tuman, kóktaıǵaq kútiledi.
Almaty oblysynyń keı jerlerinde túnde jáne tańerteń tuman, kóktaıǵaq kútiledi.
Batys Qazaqstan, Atyraý, Mańǵystaý oblystarynyń keı jerlerinde tuman kútiledi, Mańǵystaý oblysynda kúndiz jel 15-20 m/s kúsheıedi.
Qyzylorda, tańerteń jáne kúndiz Túrkistan, Jambyl oblystarynyń keı jerlerinde jel 15-20 m/s kúsheıedi, Jambyl oblysynyń keı jerlerinde tuman túsýi yqtımal.
