Burqasyn, úsik, kóktaıǵaq: Astana men 13 óńirde eskertý jarııalandy
Astana qalasyndakúnniń ekinshi jartysynda jaıaý burqasyn, kóktaıǵaq bolady. Túnde jáne tańerteń tuman kútiledi. Ońtústik-batystan jel soǵady, kúnniń ekinshi jartysynda ekpini 15-20 m/s quraıdy.
Kúndiz Aqmola oblysynyń soltústiginde, batysy men shyǵysynda kóktaıǵaq, jaıaý burqasyn kútiledi. Oblystyń soltústiginde, ońtústiginde tuman kútiledi. Jeldiń ekpini keı ýaqytta 23 m/s kúsheıýi yqtımal.
Túnde jáne tańerteń Batys Qazaqstan oblysynyń soltústigi men shyǵysynda tumandy bolady. kútiledi. Túnde oblystyń soltústik-shyǵysynda 1-6 gradýs úsik kútiledi.
Qyzylorda oblysynyń soltústigi men ortalyǵynda tuman kútiledi. Túnde oblystyń basym bóliginde 1-6 gradýs úsik júredi.
Almaty oblysynda jaýyn-shashyn (jańbyr sońy qarǵa ulasady) bolady. Taýly aýdandarda qatty jaýyn-shashyn (kóbinese qar), jaıaý burqasyn kútiledi. Taýly jáne taý etegindegi aýdandarda tuman, kóktaıǵaq boljanady. Jeldiń jyldamdyǵy keı ýaqytta 23 m/s artýy múmkin. Túnde oblystyń soltústiginde, taý etegindegi aýdandarda 3 gradýs úsik bolady. Kúndiz aýa temperatýrasy 3-8 jyly. Óńirdiń soltústigi men taýly aýdandarynda 1-6 úsik bolady.
Almaty qalasynda túnde jáne tańerteń jaýyn-shashyn (jańbyrdyń sońy qarǵa ulasady), tuman, kóktaıǵaq kútiledi. Soltústik-batystan jel soǵady, túnniń birinshi jartysynda ekpini 15 m/s quraıdy. Túnde 1-3 gradýs úsik júride, kúndiz temperatýra 6-8 gradýsqa kóteriledi.
Jetisý oblysynyń ońtústiginde túnde jańbyr, oblystyń ortalyǵynda, shyǵysynda, taýly aýdandarynda jańbyr men qar kútiledi. Taýly aýdandarda tumandy bolady. Jeldiń ekpini 17-22 m/s quraıdy, Alakól kólderi aýdandarynda jyldamdyǵy keı ýaqytta 30 m/s jáne odan joǵary bolady. Túnde soltústikte, taýly aımaqtarda 3 gradýs úsik bolady. Kúndiz aýa temperatýrasy 4-9 gradýs jyly, oblystyń taýly aýdandarynda 1 gradýsqa deıin kúrt tómendeıdi.
Túnde jáne tańerteń Qostanaı oblysynyń ońtústiginde tuman bolady. Batystan jel soǵady, kúndiz oblystyń soltústigi men shyǵysynda ekpini 15-20 m/s quraıdy.
Jambyl oblysynyń ońtústigi men taýly aýdandarynda tuman, kóktaıǵaq kútiledi. Jeldiń kúshi 15-20 m/s quraıdy. Túnde oblystyń soltústiginde, taýly aýdandarynda 1-6 gradýs úsik boljanady.
Kúndiz Pavlodar oblysynyń soltústik jartysynda jaıaý burqasyn, kóktaıǵaq kútiledi. Ońtústik-batystan jel soǵady, túnde óńirdiń soltústiginde, kúndiz basym bóliginde ekpini 15-20 m/s quraıdy.
Túnde Qaraǵandy oblysynyń shyǵysynda jaıaý burqasyn, kóktaıǵaq bolady. Oblystyń soltústigi men ońtústiginde tuman kútiledi. Soltústik-batystan jel soǵady, oblystyń shyǵysynda ekpini 15-20 m/s artady.
Túnde Shyǵys Qazaqstan oblysynyń basym bóliginde qar kútiledi, kúndiz oblystyń soltústiginde, shyǵysy men ońtústiginde jaýyn-shashyn (jańbyr, qar) kútiledi. Oblystyń soltústigi men shyǵysynda jaıaý burqasyn, kóktaıǵaq bolady. Jeldiń jyldamdyǵy 25 m/s jetedi.
Túnde Abaı oblysynyń shyǵysynda, ońtústigi men ortalyǵynda qar, jaıaý burqasyn, kóktaıǵaq kútiledi. Jeldiń ekpini 25 m/s quraıdy.
Kúndiz Soltústik Qazaqstan oblysynyń basym bóliginde jaýyn-shashyn (jańbyr, qar) kútiledi. Kúndiz oblystyń soltústiginde, shyǵysy men ońtústiginde kóktaıǵaq, jaıaý burqasyn boljanady. Jeldiń ekpini 25 m/s artýy yqtımal.
