Burqasyn saldarynan respýblıkanyń tórt oblysynda kóliktiń barlyq túri úshin qozǵalys jabyldy
ASTANA. QazAqparat - QR ІІM Tótenshe jaǵdaılar komıtetiniń aqparaty boıynsha respýblıkanyń tórt oblysynda burqasyn saldarynan kólikterdiń barlyq túrleri úshin qozǵalys jabyldy.
Qaraǵandy oblysynda aýa raıynyń nasharlaýyna baılanysty (burqasyn, kóktaıǵaq) Qaraǵandy qalasynan barlyq baǵyttar boıynsha avtokóliktiń barlyq túrleri úshin qozǵalys jabyldy.
Aqmola oblysynda aýa raıynyń nasharlaýyna baılanysty (burqasyn) «Astana-Petropavl» (18-230-shy shaqyrymdar) jáne «Ekaterınbýrg-Almaty» (Qyzyljar beketinen -Qaraǵandy oblysynyń shekarasyna deıingi 1280-1353 shaqyrymdar) avtojoldary ýchaskelerinde avtokólikterdiń barlyq túrleri úshin qozǵalys jabyldy.
Ońtústik Qazaqstan oblysynda aýa raıynyń nasharlaýyna baılanysty (qar, boran, kórinýdiń nashar bolýy) «Qoshqarata-Jaryqbas-Birlik» avtojolynyń ýchaskesinde (100-131 shaqyrym) avtokóliktiń barlyq túri úshin qozǵalys jabyldy.
Pavlodar oblysynda aýa raıynyń nasharlaýyna baılanysty (burqasyn, kóktaıǵaq) «Qyzylorda -Pavlodar» avtojolynyń ýchaskesinde (1135-1206 shaqyrymdar, Shiderti kentinen Qaraǵandy oblysynyń shekarasyna deıin) kóliktiń barlyq túrleri úshin qozǵalys jabyldy.
