Burqasyn saldarynan Almaty oblysyndaǵy joldar jabyldy
ASTANA. QazAqparat - 11 qańtar kúni burqasyn saldarynan Almaty oblysynyń joldaryna shekteýler engizildi.
«Qazaqavtojol» baspasóz qyzmetiniń habarlaýynsha, Almaty oblysynda «Úsharal-Dostyq» 83-184 shaqyrymdar, Kóktýma aýylynan Dostyq aýylyna deıingi aralyǵy; «Saryózek-Kóktal» 40-80 shaqyrymdar, Qoǵaly aýylynan Basshı aýylyna deıingi aralyǵynda barlyq avtokólik qozǵalysyna shekteý salyndy.
«Qazir atalǵan aýmaqtarǵa 7 dana jol-eksplýatatsııalyq qysqy tehnıka men «Qazaqavtojol» oblystyq fılıalynyń qyzmetkerleri jumyldyryldy», - dep habarlady kompanııanyń baspasóz qyzmeti.
