Burqasyn, kóktaıǵaq, ekpindi jel: Juma kúngi aýa raıy boljamy
ASTANA. QazAqparat - 28 jeltoqsan kúni Qazaqstan terrıtorııasynyń basym bóliginde qubylmaly kún raıynyń saqtalýyna baılanysty jaýyn-shashyndar kútiledi. Elimizdiń tek ońtústik jáne shyǵys aýdandarynda juma jaýyn-shashynsyz ótedi. Respýblıkanyń keı jerlerinde kóktaıǵaq, tuman, burqasyn, ekpindi jel boljanady, dep habarlaıdy QazAqparat.
«Qazgıdromet» RMK-nyń málimetinshe, Aqmola oblysynyń keı jerlerinde burqasyn kútiledi, jel 15-20 m/s kúsheıedi.
Batys Qazaqstan, Aqtóbe, Qostanaı oblystarynyń keı jerlerinde burqasyn, tuman, kóktaıǵaq boljanady, jeldiń ekpini 15-20 m/s artady.
Soltústik Qazaqstan oblysynda jeldiń kúshi 15-20, keı jerlerde 25 m/s jetedi. Burqasyn soǵyp, kóktaıǵaq bolady.
Jambyl, Qaraǵandy, Shyǵys Qazaqstan oblystarynyń jekelegen aýmaqtarynda tuman kútiledi, kúndiz jeldiń jyldamdyǵy 15-20 m/s artady. Jambyl oblysynda kóktaıǵaq bolady.
Qyzylorda, Mańǵystaý, Atyraý oblystarynyń keı jerlerinde tuman, kóktaıǵaq bolady. Qyzylorda oblysynda jel 15-20 m/s kúsheıedi.
Almaty, Túrkistan oblystarynyń keı jerlerin tuman basady. Almaty oblysynyń Jalańashkól aýdanynda jeldiń kúshi 20-28 m/s jetedi.
Túnde Almaty oblysynyń soltústiginde qatty aıaz saqtalady.
