Burqasyn, kóktaıǵaq: Birneshe óńirde eskertý jarııalandy
NUR-SULTAN. QazAqparat – «Qazgıdromet» RMK aýa raıynyń buzylýyna baılanysty birneshe óńirde eskertý jarııalady, dep habarlaıdy QazAqparat.
Atap aıtqanda, kúndiz 9 qańtarda Aqtóbe oblysynyń keı jerlerinde jaıaý burqasyn kútiledi. Ońtústikten jel soǵady, ekpini 18 m/s artady.
9-13 qańtarda Jambyl oblysynyń keı jerlerinde tuman bolady. 12-13 qańtarda keı jerlerde kóktaıǵaq, jaıaý burqasyn boljanady. 9 qańtarda kúndiz, 10-13 qańtarda táýlik boıy ońtústik-shyǵystan soǵatyn jel ońtústik-batysqa aýysyp, kúshi 15-20 m/s artady. 12, 13 qańtarda ekpini 23-28 m/s kúsheıedi.
9 qańtarda Soltústik Qazaqstan oblysynyń keı jerlerinde tuman, jaıaý burqasyn kútiledi. Ońtústik-batys jeliniń kúshi 15-20 m/s artady.
9 qańtarda Túrkistan oblysynyń keı jerlerinde tuman bolady.
9 qańtar Batys Qazaqstan oblysynyń keı jerlerinde tuman, kóktaıǵaq, jaıaý burqasyn kútiledi. Jel ońtústik-shyǵystan soǵady, kúshi 15-20 m/s artady.
9 qańtarda Qostanaı oblysynyń keı jerlerinde jaıaý burqasyn, tuman kútiledi. Ońtústikten jel soǵady, kúshi keı jerlerde 15-20 m/s jetedi.
Kúndiz 9 qańtarda Aqmola oblysynda jaıaý burqasyn júredi. Ońtústik-batys jeli keı jerlerde 15-20 m/s kúsheıedi.
