Burqasyn, kóktaıǵaq – aldaǵy úsh kúngi aýa raıy boljamy usynyldy

ASTANA. QazAqparat – «Qazgıdromet» RMK 9-11 aqpan aralyǵyndaǵy aýa raıy boljamyn usyndy, dep habarlaıdy QazAqparat.

Qazaqstannyń basym bóliginde qubylmaly kún raıy saqtalady. Ońtústik jáne shyǵys aýmaqtar – ońtústik tsıklony jyrasynyń, soltústik jáne soltústik-batys aýmaqtar – Saleharda aýdanynan keletin tsıklon jyrasynyń áserinde bolady.

«9 aqpanda eldiń ońtústigi men ońtústik-shyǵysynda qatty jaýyn-shashyn kútiledi. 10 aqpanda – mol qar jaýady. Sondaı-aq atalǵan aýmaqtarda kóktaıǵaq boljanady.

Respýblıka boıynsha tuman, jaıaý burqasyn, jeldiń kúsheıýi kútiledi.

11 aqpanda ońtústik jáne ońtústik-shyǵys aýmaqtarǵa Batys antıtsıklonynyń taramy yǵysady, soǵan baılanysty jaýyn-shashyn birtindep toqtap, túnde temperatýranyń 8-21 gradýsqa deıin tómendeýi boljanady», - delingen sınoptıkter málimetinde.