Burqasyn, kóktaıǵaq - 18 qazan kúngi aýa raıy boljamy
NUR-SULTAN. QazAqparat – 18 qazan kúni Qazaqstannyń basym bóliginde frontaldy bólikterdiń ótýine baılanysty qubylmaly kún raıy kútiledi. Basym óńirde jaýyn jaýady. Shyǵysta qatty jaýyn-shashyn boljanady. Elimizdiń tek batys jáne ońtústik bóliginde kún raıy ashyq bolady. Sondaı-aq respýblıkanyń keı jerlerinde ekpindi jel turyp, kóktaıǵaq, tuman bolady, dep habarlaıdy QazAqparat.
«Qazgıdromet» RMK málimetine sáıkes, Soltústik Qazaqstan oblysynyń keı jerlerinde tuman, kóktaıǵaq kútiledi. Jeldiń kúshi kúndiz 25 m/s jetýi yqtımal.
Qaraǵandy oblysynyń keı jerlerinde tuman, túnde burqasyn, kóktaıǵaq boljanady. jel 15-20 m/s kúsheıedi.
Qostanaı oblysynyń keı jerlerinde tuman, kóktaıǵaq bolady. Kúndiz jeldiń jyldamdyǵy 15-20 m/s artady.
Pavlodar oblysynyń keı jerlerinde kóktaıǵaq kútiledi, kúndiz jel 15-20 m/s kúsheıedi.
Shyǵys Qazaqstan, Túrkistan oblystarynda, túnde Almaty oblysynyń keı jerlerinde jel 15-20 m/s jetedi.
Aqmola oblysynyń keı jerlerin tuman basyp, jeldiń ekpini 15-20 m/s jetedi.
Jambyl, Batys Qazaqstan oblystarynda, túnde jáne tańerteń Atyraý oblysynyń keı jerlerinde tuman kútiledi.
Sondaı-aq túnde Qyzylorda, Túrkistan oblystarynda 3 gradýs úsik júredi.
