Burqasyn, qar, kóktaıǵaq – sársenbige arnalǵan aýa raıy
NUR-CULTAN. QazAqparat – «Qazgıdromet» RMK 29 qańtarǵa arnalǵan aýa raıy boljamyn usynady, dep habarlaıdy QazAqparat.
Qazaqstan aýamaǵynyń basym bóligine antıtsıklon áser etedi, osyǵan baılanysty ońtústiginde, batysynda jáne soltústik-batysynda jaýyn-shashynsyz aýa raıy kútiledi.
QR shyǵysy men ortalyǵy tsıklon áserinde bolǵandyqtan, atmosferalyq aýa aǵyndardyń ótýine baılanysty qar jaýady. Keı jerlerde tuman, kóktaıǵaq, burqasyn, jeldiń kúsheıýi saqtalady.
Jambyl oblysynyń keı jerlerinde tuman, kóktaıǵaq, jaıaý burqasyn kútiledi, túnde jeldiń kúshi keı jerlerde 15-20 m/s kúsheıedi.
Qaraǵandy, Pavlodar, Shyǵys Qazaqstan oblystarynyń keı jerlerinde tuman, túnde burqasyn kútiledi, túnde jel 15-20, keı jerlerde jel 23-28 m/s jyldamdyqpen soǵady.
Aqmola oblysynyń keı jerlerinde tuman, túnde burqasyn kútiledi, jel túnde keı jerlerde 15-20 m/s kúsheıedi.
Mańǵystaý oblysynyń keı jerlerinde tuman túsip, jel 15-20 m/s jyldamdyqpen soǵady.
Almaty, Qyzylorda, Túrkistan, Batys Qazaqstan, Qostanaı, Soltústik Qazaqstan oblystarynyń keı jerlerinde tuman túsedi.
