Burqasyn: Elorda mańyna qatynaıtyn avtobýs qozǵalysy toqtatyldy
ASTANA. QazAqparat – Aýa raıynyń nasharlaýyna baılanysty Astanada qala mańyna qatynaıtyn qoǵamdyq kólik qozǵalysy toqtady, dep habarlaıdy QazAqparat.
City Transportation Systems málimetinshe, №315 qalamańy avtobýsy ýaqytsha qatynamaıdy.
Eske salaıyq, búgin keshke elordada qalyń qar, boran men joldyń nashar kórinýine baılanysty «Astana – Petropavl» avtojolynyń «Astana – Şýchınsk» ýchaskesi aralyǵy kóliktiń barlyq túri úshin jabylǵan bolatyn.
Sınoptıkter 21 aqpanda eldiń basym óńirinde kún raıy buzylatynyn eskertti. Sonyń ishinde Astana qalasynda túnde jáne tańerteń jaıaý burqasyn soǵyp, kóktaıǵaq boljanady.
