Burqasyn, ekpindi jel: 5 óńirde eskertý jarııalandy

ASTANA. QazAqparat – «Qazgıdromet» RMK 23 qańtarda aýa raıynyń buzylýyna baılanysty birneshe óńirde eskertý jarııalady, dep habarlaıdy QazAqparat.

Kúndiz Aqmola oblysynyń soltústigi men shyǵysynda jaıaý burqasyn kútiledi. Batystan, soltústik-batystan jel soǵady, oblystyń shyǵysynda ekpini 15-20 m/s quraıdy.

Soltústik Qazaqstan oblysynyń ońtústik-shyǵysynda jaıaý burqasyn bolady. Batystan, soltústik-batystan jel soǵady, óńirdiń ońtústik-shyǵysynda kúshi 15-20 m/s quraıdy.

Túrkistan oblysynyń ońtústiginde tuman boljanady. Shyǵystan jel soǵady, oblystyń soltústiginde, taýly aýdandarynda 15-20 m/s jyldamdyqta jel soǵady. Túnde jáne tańerteń taý asýlarynda ekpini 23-28 m/s artady.

Pavlodar oblysynyń soltústiginde, batysynda jaıaý burqasyn kútiledi. Batystan jel soǵady, oblystyń soltústigi men batysynda ekpini 15-20 m/s quraıdy.

Jambyl oblysynyń ońtústik-batysynda, soltústik-shyǵysy men taýly aýdandarynda soltústik-shyǵystan jel soǵady, kúshi 15-20 m/s quraıdy. Túnde 23 qańtarda ekpini 23-28 m/s artady.