«Burqasyn 2014» shańǵy festıvali shaqyrady!
ASTANA. QazAqparat - 1 naýryz kúni Astana qalasynda «Burqasyn 2014» atty dástúrli shańǵy festıvali ótetin bolady. Bul jyly shańǵy festıvali on tórtinshi ret ótkizilmek.
Qatysýshylardyń ishinde ishki spartakıadalardyń jeńimpazdary - mektep oqýshylary, stýdentter men oqytýshylar, elordalyq memlekettik qurylymdar, kásiporyndar, Respýblıkalyq Ulan jáne kúsh qurylymdarynyń qyzmetkerleri, ÁOSK jáne «Dınamo» SK músheleri, qala qaýymdastyqtardyń ókilderi, sondaı-aq elordanyń basqa da turǵyndary men qonaqtardyń qatysýy josparlanýda. Іs-sharanyń uıymdastyrýshysy - Astana qalasynyń ákimdigi. Alǵash ret «Burqasyn» shańǵy jarysy «Vechernıaıa Astana» qalalyq gazettiń bastamasymen 2000 jyldyń 26 aqpanda ótse, búgin ol búkilqalalyq dárejedegi sporttyq dástúrge aınaldy. Bul shańǵy festıvalimen Astanadaǵy qysqy maýsym jabyq dep jarııalanady. Bul kúnniń basty jarysy - shańǵy jarysynan basqa, gir tasyn kóterý, armreslıng, shaıbaly hokkeı, qar ústinde belbeý kúresi, qysqy shaǵyn fýtbol, arqan tartys, buqa tartys sekildi jarystar ótkiziletin bolady. Elorda balyqshylary muzasty balyq aýlaýdan Ashyq Chempıonat ótedi jáne sport mektepteriniń fıgýrıst shákirtteri kórsetilimdik qoıylymdardarymen qýantpaq. Avtosport jankúıerleri úshin de qyzyqty da tartysty klassıkalyq rallı boıynsha Qazaqstan chempıonatynyń birinshi kezeńi ótpek. Bul erekshe kúnniń astanalyqtar men qonaqtaryna daıyndaǵan syıy mol. Nıet bildirgen adamdar úshin shańǵy men konkıdi jalǵa berý jerleri jumys isteıdi. Jarys saǵat 11.10-da bastalady. Qosymsha aqparatıy 8 (7172) 493 -029 telefony arqyly bilýge bolady.
