Burqasyn, kóktaıǵaq: Aldaǵy úsh kúnde kún sýytyp, aıaz kúsheıedi

ASTANA. KAZINFORM — «Qazgıdromet» RMQ sınoptıkteri aldaǵy úsh kúnge arnalǵan aýa raıy boljamyn jarııalady.

Sınoptıkterdiń boljamynsha, Qazaqstannyń basym bóliginde atmosferalyq frontaldy bólikterdiń ótýimen aýa raıynyń turaqsyz sıpaty kútiledi — jańbyr jáne qar túrindegi jaýyn-shashyn túsedi.

— Respýblıkanyń soltústiginde, shyǵysynda, ortalyǵynda jaıaý burqasyn, kóktaıǵaq boljanady. Tek respýblıkanyń batysynda, ońtústik-shyǵysynda antıtsıklon jotasynyń yqpalynda jaýyn-shashynsyz aýa raıy kútiledi, — delingen habarlamada.

Temperatýralyq fon boıynsha elimizdiń soltústiginde aýa temperatýrasynyń sál joǵarylaýy kútiledi — túnde 0–8 gradýs aıaz, kúndiz 0–5 gradýs jyly. Ońtústik-shyǵysta kúndiz temperatýranyń birtindep 3–11 gradýs jylyǵa deıin tómendeýi, taýly aımaqtarda 0–5 gradýs aıaz kútiledi. Eldiń qalǵan aýmaqtarynda temperatýralyq fonda aıtarlyqtaı ózgerister kútilmeıdi.