Burqasyn, kóktaıǵaq: 16 oblys pen Astana turǵyndaryna eskertý jasaldy

ASTANA. KAZINFORM — 14 jeltoqsan, jeksenbi kúni Qazaqstannyń 16 oblysy men Astanada daýyldy eskertý jarııalandy, dep habarlaıdy Kazinform «Qazgıdrometke» silteme jasap.

14 jeltoqsanda túnde Túrkistan oblysynyń taýly aýdandarynda keı ýaqytta qatty jaýyn-shashyn (jańbyr, qar), kúnniń sońynda qatty jańbyr kútiledi. Túnde jáne tańerteń oblystyń soltústiginde, batysynda, ońtústiginde, taýly aýdandarynda tuman túsedi. Ońtústik-batystan jel soǵady, túnde oblystyń taýly aýdandarynda 15-20 m/s, kúndiz 15-20, oblystyń soltústiginde, batysynda, taýly aýdandarynda ekpini 23-28 m/s jetedi. Shymkent qalasynda 14 jeltoqsanda túnde tuman kútiledi. Ońtústik-batystan jel soǵady, kúndiz ekpini 15-20 m/s jetedi. Túrkistan qalasynda túnde tuman kútiledi. Ońtústik-batystan jel soǵady, kúndiz 15-20, ekpini 23 m/s.

Petropavlda kúndiz qar, burqasyn kútiledi. Ońtústikten, ońtústik-shyǵystan jel soǵady, kúndiz kúshi 15-20 m/s jetedi.

Astana qalasynda kóktaıǵaq bolady.

Atyraý qalasynda qar, kóktaıǵaq, burqasyn kútiledi. Batystan, soltústik-batystan jel soǵady, kúshi 15-20, ekpini 23-28 m/s jetedi.

Túnde jáne tańerteń Almaty oblysynyń soltústiginde, taýly aýdandarynda kóktaıǵaq kútiledi. Oblystyń soltústiginde, ońtústiginde, taýly aýdandarynda tuman túsedi. Ońtústik-shyǵystan soǵatyn jel ońtústik-batys baǵytqa aýysady, oblystyń shyǵysynda ekpini 15-20 m/s. Almaty qalasynda túnde jáne tańerteń tuman kútiledi. Qonaev qalasynda keı ýaqytta tuman kútiledi.

Mańǵystaý oblysynda túnde qar, kóktaıǵaq, oblystyń soltústiginde, shyǵysynda qatty qar, kúndiz jaýyn-shashyn (jańbyr, qar) kútiledi. Oblystyń batysynda, soltústiginde, shyǵysynda jaıaý burqasyn júrip ótedi. Jel soltústik-batystan soǵady, kúshi 15-20, ekpini 23-28 m/s, oblystyń batysynda, soltústiginde, shyǵysynda 30 m/s jáne odan da asady. Aqtaý qalasynda keı ýaqytta qar, jaıaý burqasyn, kóktaıǵaq kútiledi. Soltústik-batystan jel soǵady 15-20 m/s, ekpini 23-28 m/s, keı ýaqytta 30 m/s jáne odan da asýy múmkin.

Túnde Aqmola oblysynyń batysynda, soltústiginde, ońtústiginde kóktaıǵaq, kúndiz kóktaıǵaq kútiledi. Kókshetaýda kúndiz kóktaıǵaq bolady.

Jezqazǵan qalasynda kúndiz jaýyn-shashyn (jańbyr, qar), kóktaıǵaq, jaıaý burqasyn kútiledi. Ońtústikten, ońtústik-shyǵystan jel soǵady, tańerteń jáne kúndiz ekpini 15-20 m/s jetedi.

Qaraǵandy oblysynyń soltústiginde, shyǵysynda, ońtústiginde tuman kútiledi. Qaraǵandy qalasynda joldarda kóktaıǵaq bolady. Keı ýaqytta tuman basýy yqtımal.

Aqtóbede qar, burqasyn, kóktaıǵaq kútiledi. Ońtústik-batystan jel soǵady, kúshi 15-20 m/s.

Túnde Shyǵys Qazaqstan oblysynyń soltústiginde, shyǵysynda qar, burqasyn, kóktaıǵaq kútiledi. Kúndiz oblystyń soltústiginde, ońtústiginde, ortalyǵynda jaýyn-shashyn (jańbyr, qar), burqasyn jaýyp, kóktaıǵaq bolady. Oblystyń ońtústiginde tuman kútiledi. Jel shyǵystan, ońtústik-shyǵystan soǵady, oblystyń soltústiginde, shyǵysynda, ortalyǵynda 15-20, túnde ekpini 25 m/s. Óskemen qalasynda túnde jáne tańerteń qar, burqasyn, kóktaıǵaq kútiledi. Jel ońtústik-shyǵystan soǵady, túnde ekpini 15-20 m/s.

Oralda qar, burqasyn, kóktaıǵaq kútiledi. Jel soltústik-batystan ońtústik-batysqa aýysyp soǵady, kúshi 15-20, ekpini 23-28 m/s.

Túnde Abaı oblysynyń soltústiginde, shyǵysynda, ortalyǵynda qar, burqasyn, kóktaıǵaq kútiledi. Kúndiz oblystyń batysynda, ońtústiginde, ortalyǵynda jaýyn-shashyn (jańbar, qar), burqasyn jaýyp, kóktaıǵaq bolady. Oblystyń ońtústiginde tuman túsedi. Jel ońtústik-shyǵystan, ońtústikten soǵady, oblystyń batysynda, soltústiginde, ortalyǵynda 15-20, túnde ekpini 23-28 m/s. Semeıde 14 jeltoqsanda túnde jáne tańerteń qar, burqasyn, kóktaıǵaq kútiledi. Jel ońtústik-shyǵystan, ońtústikten soǵady, túnde ekpini 15-20 m/s.

Jetisý oblysynyń batysynda, soltústiginde, taýly aýdandarynda kóktaıǵaq, tuman kútiledi. Shyǵystan jel soǵady, Alakól kólderi aýdanynda ekpini 15-20 m/s.

Túnde Jambyl oblysynyń taýly aýdandarynda qar jaýyp, keı ýaqytta jaıaý burqasyn kútiledi. Oblystyń taýly aýdandarynda kóktaıǵaq bolýy yqtımal. Oblystyń ońtústiginde, taýly aýdandarynda tuman kútiledi. Ońtústik-batystan jel soǵady, túnde oblystyń taýly aýdandarynda, kúndiz oblystyń ońtústik-batysynda, taýly aýdandarynda 15-20 m/s, ekpini 23 m/s kútiledi. Tarazda keı ýaqytta tuman túsip, túnde kóktaıǵaq bolýy múmkin.

Qostanaı oblysynda kóktaıǵaq kútiledi. Qostanaı qalasynda qar, burqasyn bolady. Ońtústik-batystan jel soǵady, kúshi 15-20, ekpini 23-28 m/s.

Qyzylorda oblysynda jaýyn-shashyn (jańbyr, qar), kóktaıǵaq kútiledi. Oblystyń soltústiginde tuman, burqasyn bolýy yqtımal. Ońtústikten soǵatyn jel batysqa aýysady, túnde oblystyń soltústiginde kúshi 15-20 m/s, kúndiz 15-20, oblystyń soltústiginde 25 m/s jetedi. Qyzylorda qalasynda tańerteń jáne kúndiz jaýyn-shashyn (jańbyr, qar), kóktaıǵaq, burqasyn kútiledi. Keı ýaqytta tuman túsedi. Ońtústikten soǵatyn jel batysqa aýysady, kúndiz kúshi 15-20 m/s jetedi.

Budan buryn «QazAvtoJol» UK qazirgi ýaqytta jabyq turǵan joldar tizimin jarııa etti.