Burqasyn, qar, kóktaıǵaq: Úsh kúnge sınoptıkter boljamy

«Qazgıdromet» RMK 21-23 jeltoqsanǵa kún raıy boljamyn usyndy, dep habarlaıdy Kazinform.

«Kezeńniń basynda respýblıkanyń soltústik jáne shyǵys bóliginde, sondaı-aq ortalyǵynda atmosferalyq fronttardyń ótýimen túnde qar, kúndiz jaýyn-shashyn (qar, jańbyr), túnde soltústik pen shyǵysta qatty qar kútiledi.

23 jeltoqsanda Atlantıkalyq tsıklonynyń áserinen Qazaqstannyń batysy men ońtústik-batysynda jaýyn-shashyn (jańbyr, qar) boljanady. Respýblıka boıynsha kóktaıǵaq, burqasyn, ekpini 25 m/s-qa deıin jetetin jel kútiledi. Sondaı-aq tuman bolady. Degenmen, aýa temperatýrasynda kúrt ózgeris kútilmeıdi», - delingen sınoptıkter málimetinde.