Burqasyn, daýyldy jel: Birqatar óńirde eskertý jarııalandy

«Qazgıdromet» RMK kún raıynyń buzylýyna baılanysty birqatar óńirde eskertý jarııalady, dep habarlaıdy Kazinform

Astana qalasynda túnde jáne tańerteń burqasyn soǵyp, kóktaıǵaq bolady. Túnde jáne tańerteń jeldiń ekpini 15-20 m/s quraıdy, keı ýaqytta 25 m/s artady.

Túnde Ulytaý oblysynyń soltústigi men shyǵysynda soltústik-batystan soǵatyn jel ońtústik-shyǵysqa aýysyp, jyldamdyǵy 15-20 m/s quraıdy.

Almaty oblysynyń soltústiginde, ońtústigi men taýly aýdandarynda keı ýaqytta tuman kútiledi. Soltústik-batystan jel soǵady, oblystyń shyǵysynda ekpini 15-20 m/s quraıdy.

Túnde Qaraǵandy oblysynyń soltústigi men shyǵysynda burqasyn, soltústigi men shyǵysynda kóktaıǵaq kútiledi. Batystan, ońtústik-batystan jel soǵady, túnde óńirdiń soltústigi men shyǵysynda ekpini 15-20 quraıdy, keı ýaqytta jyldamdyǵy 25 m/s kúsheıedi.

4-6 jeltoqsanda Jambyl oblysynyń ońtústigi men taýly aýdandarynda tuman boljanady. Jeldiń ekpini 15-20 m/s quraıdy. 4 jeltoqsanda – túnde, 6 jeltoqsanda táýlik boıy jyldamdyǵy 23-28 m/s bolady.

Jetisý oblysynyń ońtústiginde, shyǵysy men taýly aýdandarynda qatty jaýyn-shashyn (jańbyr, qar), tuman kútiledi. Batystan jel soǵady, óńirdiń shyǵysynda, ortalyǵy men taýly aýdandarynda ekpini 15-20 quraıdy, keı ýaqytta kúshi 23-28 m/s artady.

Batys Qazaqstan oblysynda kóktaıǵaq, burqasyn kútiledi. Túnde jáne tańerteń óńirdiń soltústik-shyǵysynda tuman boljanady. Jel soltústik–batystan soǵady, túnde oblystyń soltústik-batysynda, kúndiz shyǵysynda ekpini 15-20 m/s quraıdy.

Túnde Aqmola oblysynyń soltústiginde, shyǵysynda, kúndiz batysynda, soltústiginde burqasyn, kóktaıǵaq boljanady. Túnde jáne tańerteń óńirdiń batysy men ońtústigin tuman basady. Jeldiń ekpini 23-28 m/s jetýi yqtımal.

Túnde Atyraý oblysynyń ońtústiginde, batysy men shyǵysynda tuman kútiledi. Atyraý q.: 07 jeltoqsanda túnde tuman kútiledi.

Abaı oblysynyń Semeı qalasynda ońtústik-batystan soǵatyn jel soltústik-batysqa aýysyp,kúshi 15-20 m/s quraıdy.