Burynǵy júıeden nemese saıası tulǵalardan kiná izdeı berýge bolmaıdy – Prezıdent
ASTANA. KAZINFORM — Elimizdiń beıbit ómir súrýine jáne turaqty damýyna qolaıly syrtqy jaǵdaı qalyptastyrýymyz qajet. Bul týraly Parlament palatalarynyń birlesken otyrysynda Qazaqstan halqyna Joldaýyn jarııalap jatqan Memleket basshysy Qasym-Jomart Toqaev aıtty.
«Ylǵı da keıin qaıyrylyp, ótkenmen ómir súrýge, burynǵy júıeden nemese saıası tulǵalardan kiná izdeı berýge bolmaıdy. Óz halqyńnyń tarıhyn bilý kerek, biraq odan tek eńseńdi túsirip, ózgege ókpe artýǵa sebep izdemeý qajet. Qandaı qasiretti bolsa da, ótken oqıǵalardan, eń aldymen, taǵylym ala bilgen jón. Biz keleshekke senimmen kóz tigip, elimizdiń ósip-órkendeýi men damýyn oılaýymyz qajet. Men bul týraly únemi aıtyp kelemin», - dedi Qasym-Jomart Toqaev.
Osy rette Prezıdent qoǵamymyzda zań men tártip ústemdik qurýǵa tıistigin taǵy da basa aıtty.
«Bul – búkil qoǵamnyń jáne ár adamnyń qaýipsizdigin qamtamasyz etýge qatysty eń basty talap. Biz sonda ǵana Ádiletti, Taza jáne Qaýipsiz Qazaqstandy qura alamyz. Osy strategııalyq maqsatymyzǵa jetý úshin elimizdiń beıbit ómir súrýine jáne turaqty damýyna qolaıly syrtqy jaǵdaı qalyptastyrýymyz qajet. Bul – qazirgi asa kúrdeli geosaıası ahýal kezinde óte joǵary kásibılikti talap etetin dıplomatııanyń mindeti», - dedi Memleket basshysy.
