Burynǵy sýdıa Qarlyǵash Tátkeevaǵa izdeý jarııalandy
ASTANA. KAZINFORM — Joǵarǵy sot tóraǵasynyń azamattyq ister jónindegi keńesshisi qyzmetin atqarǵan burynǵy sýdıaǵa izdeý jarııalandy, dep habarlaıdy Kazinform tilshisi quqyqtyq statıstıka málimetterine silteme jasap.
Quqyqtyq statıstıka jáne arnaıy esepke alý organdarynyń resmı portalynda jarııalanǵan izdeýde júrgender týraly málimetke sáıkes, Qarlyǵash Tátkeevaǵa 2025 jyldyń 20 maýsymynan beri izdeý salyndy.
Іzdestirý sharalaryna sot bastamashy bolyp, ispen Sybaılas jemqorlyqqa qarsy is-qımyl agenttiginiń Qaraǵandy oblysy boıynsha departamenti aınalysyp otyr.
Tátkeeva buǵan deıin birneshe ınstantsııada sýdıalyq qyzmet atqarǵan. Atap aıtqanda, ol Qaraǵandy oblysynyń mamandandyrylǵan aýdanaralyq ekonomıkalyq sotynyń sýdıasy boldy, sonymen qatar Astana qalalyq sotynda jumys istedi.
Іzdeý salý sebepteri resmı túrde naqtylanǵan joq.
Buǵan deıin eks-sýdıa Svetlana Jolmanovaǵa qatysty is boıynsha prokýror aıyptaý aktisin oqyǵanyn jazǵan bolatynbyz.