Burynǵy reper Balendra Shah Nepaldyń premer-mınıstri boldy

ASTANA. KAZINFORM – Nepalda burynǵy reper, saıasatker Balendra Shah premer-mınıstr qyzmetine kiristi, dep habarlaıdy DW.

Balendra Shah 27 naýryz kúni ant berdi. Onyń jetekshiligindegi tsentrıstik Ulttyq táýelsiz partııasy 5 naýryzda ótken parlament saılaýynda 275 orynnyń 182-sin ıelendi.

Bul saılaý 2025 jyly ótken sybaılas jemqorlyqqa qarsy jappaı narazylyqtardan keıin uıymdastyryldy. Sol kezde 76 adam qaza tapqan.

35 jastaǵy Shah sońǵy onjyldyqtardaǵy Nepaldyń eń jas premer-mınıstri atandy. Sondaı-aq ol el tarıhynda alǵash ret madhesı etnıkalyq tobynyń ókili retinde úkimet basyna kelip otyr.

Buǵan deıin Balendra Shah Katmandý qalasynyń meri qyzmetin atqaryp, jemqorlyqqa qarsy ustanymymen tanylǵan.

Jańa úkimet aldynda saıası turaqsyzdyq pen jumyssyzdyq máselelerin sheshý mindeti tur.