Burynǵy kýrsanttar áskerı oqý oryndaryna onlaın túrde qaıta qabyldana alady
ASTANA. KAZINFORM — Áskerı oqý oryndarynyń burynǵy kýrsanttary qalpyna kelý úshin eGov.kz portaly arqyly onlaın ótinim bere alady.
Ol úshin eGov.kz portaly arqyly ótinim berý jetkilikti. Qyzmet tegin kórsetilip, keminde bir semestr oqýdy aıaqtaǵandarǵa qoljetimdi bolady.
— Buryn qalpyna keltirý protsedýrasy kúrdeli bolyp, jeke qatysýdy talap etetin. Úmitkerler oqý ornyna ótinish berip, jeke kýálik, transkrıpt, qyzmet orny sıpattamasy, fotosýret, áskerı kýálik kóshirmesi jáne basqa da qujattardy qamtıtyn keń paketti jınaýy kerek edi, — delingen habarlamada.
Endi protsess jeńildetildi: onlaın túrde ótinish berip, qajetti qujattardyń kópshiligi memlekettik derekter bazasynan avtomatty túrde júkteledi. Oqý ornynan shyǵarylǵannan keıin bir jyl ishinde ǵana ótinish berýge bolatynyn aıta ketý kerek. Eger bul merzim aıaqtalsa, oqý ornynda qalpyna keltirý múmkin bolmaıdy.
Kórsetiletin qyzmetti alý úshin:
- eGov.kz portalynda tirkelip, «Azamattarǵa» — «Áskerı esepke alý jáne qaýipsizdik» — «Áskerı qyzmet» bólimine ótý kerek;
- «Qazaqstan Respýblıkasy Qorǵanys mınıstrliginiń áskerı oqý oryndaryna qalpyna keltirý» kórsetiletin qyzmetin tańdap, «Qyzmetke onlaın tapsyrys berý» túımesin basýy tıis;
- oqý ornyn tańdap, oqýdan shyǵarylǵannan beri qansha ýaqyt ótkenin kórsetip, jeke derekterin paıdalanýǵa kelisim berýi tıis;
- turatyn mekenjaıyn kórsetip, qujattardy qosýy tıis;
- qoljetimdi qol qoıý ádisteriniń birimen ótinishke qol qoıýǵa tıis;
- qyzmettiń nátıjesi paıdalanýshynyń jeke kabınetinde «Qyzmetterdi alý tarıhy» bóliminde qoljetimdi bolady.
Ótinimdi qaraý merzimi 20 jumys kúni. Eger oń sheshim qabyldansa, nátıje paıdalanýshynyń jeke kabınetine elektrondyq formatta jiberiledi. Eger qalpyna keltirý múmkin bolmasa, stýdent te dáleldi bas tartý hatyn alady.
Jańa kórsetiletin qyzmet Tsıfrlyq damý, ınnovatsııalar jáne aeroǵarysh ónerkásibi mınıstrliginiń Memlekettik kórsetiletin qyzmetter komıtetiniń, Ulttyq aqparattyq tehnologııalar AQ jáne Qorǵanys mınıstrliginiń yntymaqtastyǵymen iske qosyldy.
Aıta ketelik elimizde áskerı oqý oryndaryna túsý qaǵıdalary ózgergen edi.