Burynǵy qarjy polıtsııasynyń ókili azaptaý baby boıynsha tergelip jatyr
Bas prokýratýra burynǵy qarjy polıtsııasy ókiliniń azaptaý baby boıynsha tergelip jatqanyn málim etti, dep habarlaıdy Kazinform.
«Bas prokýratýra Ekonomıkalyq qylmysqa jáne sybaılas jemqorlyqqa qarsy kúres agenttiginiń arnaıy departamentiniń burynǵy basshysy Ý. Ý. Madıevtiń jáne ózge de tulǵalardyń ústinen azaptaý faktisi boıynsha qylmystyq is tergelip jatyr», — delingen Bas prokýratýranyń baspasóz qyzmeti usynǵan málimette.
Resmı aqparatta atalmysh kúdiktiniń 9 jeltoqsan kúni qamaýǵa alynǵany da aıtylǵan.
«2023 jyldyń 9 jeltoqsanynda Almaty qalasynyń aýdanaralyq mamandandyrylǵan tergeý soty Ý. Ý. Madıevti „kúzetpen ustaý“ bultartpaý sharasyn sanktsııalady. Qazirgi tańda oqıǵanyń mán-jaıyn anyqtap, qatysy bar tulǵalardy anyqtaýǵa baǵyttalǵan tergeý áreketteri júrip jatyr», — dep jazylǵan resmı aqparatta.
