Burynǵy Eńbek vıtse-mınıstrine qatysty iste jańa derekter aıtyldy

ASTANA. KAZINFORM – Qarjylyq monıtorıng agenttigi tóraǵasynyń orynbasary Jeńis Elemesov burynǵy Eńbek vıtse-mınıstri Aqmádı Sarbasovtyń isine qatysty taǵy kimder tergelip jatqanyn aıtty.

- Burynǵy vıtse-mınıstrge qatysty toqtalsaq, ol qazir kúdikti retinde tergelip jatyr. Qazirgi kezde para alýǵa qatysty qylmystyq is bar. Sondyqtan ol boıynsha qamaýǵa alý sharasy qoldanyldy. Sonymen qatar, onymen birge eki fıgýrant - burynǵy Densaýlyq saqtaý vıtse-mınıstri Arǵyndyqov jáne ForteBank-tiń burynǵy ókili Omarov bar. Olar 75 myń AQSh dollary somasynda alǵan, - dedi J.Elemesov Senattyń jalpy otyrysynan keıin tilshiler suraǵyna jaýap bere otyryp.

Eskes salsaq, bıyl shildede burynǵy Eńbek jáne áleýmettik qorǵaý vıtse-mınıstri Aqmádı Sarbasov qamaýǵa alyndy. 

«Eńbek resýrstaryn damytý ortalyǵy» AQ prezıdenti Sarbasov A.A.-ǵa qatysty Qylmystyq kodekstiń 366-baby 3-bóliginiń 3-tarmaǵynda kózdelgen asa iri mólsherde para alý faktisi boıynsha sotqa deıingi tergep-tekserý júrip jatyr.