12:00, 01 Shilde 2025 | GMT +5
Burynǵy Eńbek vıtse-mınıstri Aqmádı Sarbasov ustaldy – mınıstrlik
ASTANA. KAZINFORM – Eńbek resýrstaryn damytý ortalyǵynyń basshysy Aqmádı Sarbasov ustaldy. Bul aqparatty Eńbek jáne halyqty áleýmettik qorǵaý mınıstrligi rastady.

- Eńbek jáne halyqty áleýmettik qorǵaý mınıstrligi «Eńbek resýrstaryn damytý ortalyǵy» AQ basshysynyń ustalǵany týraly aqparatty rastaıdy. Mınıstrlik tergeý organdaryna belgilengen tártip boıynsha kómek kórsetip jatyr, - delingen habarlamada.
Osy oraıda Eńbek mınıstrligi tergeý barysyna qatysty barlyq suraq ýákiletti organdardyń quzyretine jatatynyn eskertti.
Eske salsaq, Aqmádı Sarbasov basqa jumysqa aýysýyna baılanysty Eńbek jáne halyqty áleýmettik qorǵaý birinshi vıtse-mınıstri qyzmetinen bosatyldy.