Burynǵy ádilet mınıstri Marat Beketaevtyń qamaý merzimi uzardy
QR eks-ádilet mınıstri Marat Beketaevty qamaýda ustaý merzimi bir aıǵa uzartyldy, dep habarlaıdy Kazinform tilshisi.
— Astana qalalyq mamandandyrylǵan aýdanaralyq tergeý soty kúdikti M.Beketaevty qamaýda ustaý merzimin 2024 jylǵy 21 qańtaryna deıin uzartty, delingen Astana sotynyń Kazinform saýalyna jaýabynda.
Sot QR Qylmystyq-protsessýaldyq kodekstiń 201-babyna sáıkes basqa derekterdi jarııalaýǵa bolmaıtynyn atap ótti.
Buǵan deıin Memleket basshysynyń zańsyz jolmen shyǵarylǵan aktıvterdi izdeý jáne qaıtarý tapsyrmasyn oryndaý maqsatynda burynǵy ádilet mınıstri qyzmetin asyra paıdalandy degen kúdikpen ustalǵan bolatyn.
Vedomstvo aqparaty boıynsha, ol qajet emes qyzmetterge jyl saıyn kelisimshart ornatyp, memleketke asa iri kólemde shyǵyn keltirgen.
Keıinirek Jemqorlyqqa qarsy kúres agenttigi eks-ádilet mınıstri Marat Beketaevtyń ustalǵanyn rastady.
Bas prokýratýra kúdikti Qazaqstannan shyǵyp ketpek bolǵan jerinen ustalǵanyn málim etti.
