Burynǵy Ádilet mınıstri Marat Beketaevty qamaýda ustaý merzimi uzartyldy

ASTANA. KAZINFORM – QR burynǵy Ádilet mınıstri Marat Beketaevty qamaýda ustaýdy uzartý týraly sot sanktsııasy qabyldandy. Bul týraly Astana qalalyq sotynyń Kazinform aqparat agenttigi joldaǵan resmı saýalǵa bergen jaýabynda aıtylǵan.

«2024 jylǵy 12 qańtarda Astana qalasynyń mamandandyrylǵan aýdanaralyq tergeý soty kúdikti M.Beketaevqa qatysty qamaýda ustaý túrindegi bultartpaý sharasyn 2024 jylǵy 21 aqpanǵa deıin uzartýǵa sanktsııa berdi», - delingen elorda sotynyń jaýabynda.

Sondaı-aq, qalalyq sottan QR Qylmystyq is júrgizý kodeksiniń 201-babyna sáıkes ózge de derekter jarııa etilmeıtini aıtyldy.

Ótken jyly 29 jeltoqsanda M. Beketaevty qamaýda ustaý merzimi 2024 jylǵy 21 qańtarǵa deıin uzartylǵan edi. 

Eske sala keteıik, burynǵy Ádilet mınıstri laýazymdyq ókilettigin asyra paıdalandy degen kúdikpen ustaldy.