Burynǵy Ádilet mınıstri Marat Beketaevty qamaýda ustaý merzimi taǵy uzartyldy

ASTANA. KAZINFORM – QR burynǵy Ádilet mınıstri Marat Beketaevty qamaýda ustaýdy taǵy bir aıǵa uzartý týraly sot sanktsııasy qabyldandy. Bul týraly Astana qalalyq sotynyń Kazinform aqparat agenttigi joldaǵan resmı saýalyna bergen jaýabynda aıtylǵan.

«2024 jylǵy 12 aqpanda Astana qalasynyń mamandandyrylǵan aýdanaralyq tergeý sotymen kúdikti Marat Beketaevqa qatysty kúzetpen ustaý túrindegi bultartpaý sharasyn 2024 jylǵy 21 naýryzǵa deıin uzartý sanktsııalandy», - delingen saýal jaýabynda.

Sondaı-aq, qalalyq sottan QR Qylmystyq is júrgizý kodeksiniń 201-babyna sáıkes ózge derekterdiń jarııa etilmeıtini aıtyldy.

Ótken jyly 29 jeltoqsanda M. Beketaevty qamaýda ustaý merzimi 2024 jylǵy 21 qańtarǵa deıin uzartylǵan edi.

Odan keıin, elorda soty eks-sheneýnikti 2024 jylǵy 21 aqpanǵa deıin qamaýda ustaý týraly sheshim qabyldady.

Eske sala keteıik, burynǵy Ádilet mınıstri laýazymdyq ókilettigin asyra paıdalandy degen kúdikpen ustaldy.