Burynǵy Ádilet mınıstri Marat Beketaev 9 jylǵa sottaldy
ASTANA. KAZINFORM — Eks-mınıstrdiń múlki tárkilenip, 9 jylǵa bas bostandyǵynan aıyryldy. Bul týraly Sybaılas jemqorlyqqa qarsy is-qımyl agenttiginiń resmı ókili Danııar Bıgaıdarov málim etti.

— Burynǵy Ádilet mınıstri Marat Beketaev 9 jylǵa bas bostandyǵynan aıyrylyp, múlki tárkilendi. Eks-sheneýnikke qatysty qylmystyq is alaıaqtyq, asa iri mólsherde urlyq jasaý, kásipkerlik qyzmetke zańsyz qatysý faktisi boıynsha tergeldi, — dedi Danııar Bıgaıdarov vedomstvoda ótken baspasóz máslıhatynda.
Sondaı-aq agenttiktiń resmı ókili tergeý «qupııa» belgisimen júrgizilgendikten, qylmystyń istiń mán-jaıy jarııalaýǵa jatpaıtynyn eskertti.
Aıta ketsek, burynǵy Ádilet mınıstri Marat Beketaevtyń isi sotqa bıyl naýryzda tústi.
Eske salaıyq, burynǵy Ádilet mınıstri 2023 jyly qazanda laýazymdyq ókilettigin asyra paıdalandy degen kúdikpen ustaldy.