Buryn-sońdy medıtsınalyq mekeme bolmaǵan 194 eldi mekende densaýlyq saqtaý nysandary salyndy
ASTANA. KAZINFORM – Densaýlyq saqtaý mınıstriniń orynbasary Tımýr Muratov «Aýylda densaýlyq saqtaýdy jańǵyrtý» pılottyq ulttyq jobasy aıasynda neshe eldi mekende jańadan medıtsınalyq nysan salynǵanyn málim etti.
— Ulttyq jobada 655 medıtsınalyq-sanıtarııalyq alǵashqy kómek obektisin salý kózdelgen. Onyń ishinde 260 medıtsınalyq pýnkt, 235 feldsherlik-akýsherlik pýnkt, 160 dárigerlik ambýlatorııa salý qarastyrylǵan. Josparlanǵan 655 nysannyń 540 medıtsınalyq-sanıtarııalyq alǵashqy kómek nysany salynyp bitti. Onyń 346-sy eskirgen jáne talapqa saı emes ǵımarattyń ornyna salynsa, 194-i buryn medıtsınalyq ınfraqurylymmen qamtylmaǵan aýyldyq eldi mekenderde oryn tepti, — ol ortalyq kommýnıkatsııalar qyzmetinde ótip jatqan baspasóz máslıhatynda.
Qurylysy aıaqtalǵan 540 nysannyń 227-si medıtsınalyq pýnkt, 187-si feldsherlik-akýsherlik pýnkt, 126-sy dárigerlik ambýlatorııa.
Buǵan deıin qaıtarylǵan aktıvter qorynan 5,6 mlrd teńge Abaı oblysynda medıtsınalyq nysandar salýǵa jumsalatynyn jazǵan edik.