Burymdy boksshylar lıtsenzııalyq týrnırge daıyndyqty bastady

ASTANA. KAZINFORM – Bokstan Qazaqstan áıelder komandasy Almaty oblysyndaǵy «Aqbulaq» Olımpıada ortalyǵynda lıtsenzııalyq týrnırge jattyǵý jıyndaryn bastap ketti. QR Boks federatsııasy  baspasóz qyzmeti málim etkendeı, bul Eldos Saıdalınniń bas bapker retindegi alǵashqy jattyǵý jıyny.

Jattyǵý jıynynyń basty maqsaty — boksshy qyzdardy Taılandtaǵy lıtsenzııalyq týrnırge babynda aparý. 

Esterińizde bolsa 29 aqpan pen 12 naýryz aralyǵynda Italııadaǵy ótken irikteý týrnırinde burymdy boksshylarymyzdyń barlyǵy joldamaǵa qol jetkize almaǵan. Osy sátsizdikten keıin burymdy boksshylar arasynda Taılandtaǵy sońǵy irikteý týrnırine qatysatyn boksshylar Astanadaǵy sparrıngtik jarysta anyqtaldy.

Jarys qorytyndysy boıynsha Nazym Qyzaıbaı (50 keli), Uljan Sársenbek (54 keli), Natalıa Bogdanova (66 keli), Valentına Halzova (75 keli) Olımpıadaǵa irikteý týrnırinde baq synaý múmkindigine qol jetkizdi.

Endi osy aty atalǵan boksshy qyzdar Taılandtaǵy sońǵy irikteý týrnırine barady.