Býrylbaıtal-Kúrti jolynyń 80 shaqyrymy aqyly bolady
ASTANA. KAZINFORM — 10 shildeden bastap Býrylbaıtal-Kúrti avtomobıl jolynyń 1 041-1 021 shaqyrym aralaǵynda aqyly alý júıesi engiziledi.
Kólik mınıstriniń mindetin atqarýshy qol qoıǵan buıryqqa sáıkes, aqyly jol ýchaskesiniń jalpy uzyndyǵy — 80 shaqyrym, І-b sanaty, ótý jolaǵynyń eni keminde — 3,75 metr, eki baǵytta eki jolaqtan.
Balama tegin jol da bar: oblystyq mańyzy bar avtomobıl jolynyń Suńqar-Qansheńgel-Topar-Quıǵan, Topar-Aqjar, Qonaev-Baqanas-Qaraı ýchaskeleri jáne respýblıkalyq mańyzy bar avtomobıl jolynyń Qonaev-Kúrti ýchaskesi.
Joldyń tolyq baǵyty boıynsha jol júrý quny:
— jeńil avtomobılder úshin — keıin tóleý kezinde 0,0671 AEK (290 teńge), aldyn ala tóleý kezinde 0,0581 AEK (251 teńge);
— 16 orynǵa deıingi avtobýstar men júk kótergishtigi 2,5 tonnaǵa deıingi júk kólikteri — keıin tóleý kezinde 0,1699 AEK, aldyn ala tóleý kezinde 0,1453 AEK;
— 32 orynǵa deıingi avtobýstar men júk kótergishtigi 5,5 tonnaǵa deıingi júk kólikteri — keıin tóleý kezinde 0,3354 AEK, aldyn ala tóleý kezinde 0,2862 AEK;
— 32 orynnan asatyn avtobýstar men júk kótergishtigi 10 tonnaǵa deıingi avtopoezdar — keıin tóleý kezinde 0,5031 AEK, aldyn ala tóleý kezinde 0,4270 AEK;
— júk kótergishtigi 10 tonnadan 15 tonnaǵa deıingi júk kólikteri — keıin tóleý kezinde 0,6752 AEK, aldyn ala tóleý kezinde 0,5746 AEK;
— júk kótergishtigi 15 tonnadan asatyn júk kólikteri, tirkemesi bar kólikter men ershikti tartqyshtar — keıin tóleý kezinde 0,8407 AEK, aldyn ala tóleý kezinde 0,7155 AEK.
Aıta ketelik Ortasha jyldamdyq baqylaýy taǵy úsh aqyly trassada engiziletini týraly jazǵan edik.
