«Burhan bulaq» sarqyramasyna saı ishimen baratyn jol salynady

TALDYQORǴAN. QazAqparat – Jetisýdaǵy ulttyq parkterde quny 3 mıllıard teńgeden astam ınvestıtsııalyq jobalar júzege asyrylmaq. Bul týraly Memleket basshysy Qasym-Jomart Toqaev oblys jurtshylyǵymen kezdesýinde aıtty, dep habarlaıdy QazAqparat Aqordaǵa silteme jasap.

«Jetisýdaǵy ulttyq parkterde quny 3 mıllıard teńgeden astam ınvestıtsııalyq jobalar júzege asyrylmaq. Oǵan iri ınvestorlar tartyldy. Qoryqtarǵa aparatyn joldar jóndelip jatyr. Munda Ortalyq Azııadaǵy eń bıik «Burhan bulaq» sarqyramasyna saı ishimen baratyn jol salynady», - dedi Prezıdent.

Memleket basshysy atap ótkendeı, Alakól men Balqashtyń týrıstik áleýetin arttyrý baǵytynda birqatar jobalar qolǵa alynǵan.

«Úsharal qalasyndaǵy áýejaıdyń ushyp-qoný jolaǵy jóndeldi. Ótken eki jylda Alakólde ınjenerlik ınfraqurylymdy damytýǵa bıýdjetten 16 mıllıard teńge bólindi. Kóldiń jaǵasynda káriz jelisin salý úshin qurylys jumystary júrgizilip jatyr. Balqashtyń týrıstik áleýetin arttyrý úshin birneshe joba qolǵa alyndy», - dedi Qasym-Jomart Toqaev.