Býranov ájeleri qazaq tilinde án shyrqady

ALMATY. QazAqparat - «Evrovıdenıe» baıqaýynyń qatysýshylary, Reseıden kelgen Býranov ájeleri otandastarymyzben birge qazaq tilinde án jazdy, dep habarlaıdy QazAqparat tilshisi.

Býranov ájelerimen birge jańa shyǵarmany ánshi ári aktrısa Saltanat Qudaıbergenova jáne stılıst, dızaıner Ilaı Dıagılev oryndaıdy.

Ilaıdiń sózine qaraǵanda, ázil-syqaq janryndaǵy jańa án estradadaǵy «bomba» bolaıyn dep tur.

«Býranov ájeleri jarty kúnniń ishinde ǵana ánniń qaıyrmasyn jattap aldy. Án 21 jeltoqsandaǵy reseılik «Soıýz» leıblinde jaryqqa shyǵady. Bul týyndy Máskeýde Stas Kostıýshkınniń stýdııasynda jáne Almatyda Erbolat Qudaıbergenniń stýdııasynda jazylǵan. Mundaı shyǵarmashylyq yntymaqtastyqty eshqashan kórgen joqsyzdar-aý», - dedi Ilaı Dıagılev.

Býranov ájeleri shyrqaıtyn ánniń mátini mynadaı:

Kóńilim joq meniń, joq meniń, joq meniń

Maǵan sen kelmediń, kelmediń, kelmediń,

Kimge kerek bunyń bári

Óleńim tek maǵan dári

Biraq seni kútemin, kútemin.