Buralqy janýarlardy atý problemany sheshe almaıdy – zańger

ASTANA. KAZINFORM – Buralqy janýarlardy atý problemany sheshe almaıdy. Bul týraly «Animal Law PıÝK «KazBar» komıtetiniń basshysy Olga Chentsova aıtty.

«Janýarlardy óltirý bıologııalyq ta, ekonomıkalyq ta problemany sheshe almaıdy. Óıtkeni, janýardy óltirgen kezde-aq onyń ornyna ózgesi keledi. Bizdiń tájirıbemizde ıtter men mysyqtardy únemi tastap ketken kezde olar únemi kóbeıe beredi. «Aýlaý-zararsyzdandyrý-vanktsınatsııalaý-qaıtarý» basymdyǵy nede? Janýarlardy pishtirip jibergen kezde olar jaıynda bári biledi jáne mundaı janýarlarlar eshkimdi qappaıdy», - dedi Olga Chentsova Májiliste «Janýarlarǵa jaýapkershilikpen qaraý týraly» Qazaqstan Respýblıkasynyń zańyna ózgerister men tolyqtyrýlar engizý týraly» zań jobasyn talqylaý aıasynda BAQ ókilderine bergen suhbatynda.

Osy oraıda ol buralqy janýarlardy aýlaýǵa bólingen qarajatqa qatysty statıstıkalyq derekterdi alǵa tartty.

«Zań qabyldanǵanǵa deıin, 2021 jyly buralqy janýarlardy atýǵa 1,3 mlrd teńge jumsalsa, 2023 jyly onyń somasy 3,5 mlrd teńgege jetti. Biraq, nátıje joq. Bári olardyń shabýyl jasaǵany jáne basqalary jaıly aıtady. Jumys birqatar baǵytta júrgiziletindigi aıtylǵan edi. Olar: jergilikti atqarýshy organdar, aǵartýshylyq jumystary, panajaılarǵa kómek. Biraq, mundaı jumys istelinip jatqan joq», - dedi ol.

Buǵan deıin depýtattardyń bastamasymen «Janýarlarǵa jaýapkershilikpen qaraý týraly» Zańǵa qandaı ózgertýler men tolyqtyrýlar engizilmek ekendigin jazǵan edik.