Býrak Ozchıvıt Aqtaýda jankúıerlermen kezdeskeninde «qaýipti» jaǵdaıǵa tap boldy

AQTAÝ. KAZINFORM — Túriktiń ataqty akteri Býrak Ozchıvıt aqtaýlyqtarmen ótken kezdesýden keıin zaldan qyzmettik esik arqyly sytylyp shyǵýǵa májbúr boldy.

Býrak Ozchıvıt búgin jankúıerlerimen kezdesý ótkizip, shyǵarmashylyǵy men jeke ómiri, aldaǵy josparlary týraly suraqtarǵa jaýap berdi. Sonymen qatar, sheteldik juldyzǵa syılyqtar tartý etildi. Kezdesý shamamen 1 jarym saǵatqa sozyldy. 

Al kezdesý aıaqtalǵanda kúzetshilerge akterdi zaldan alyp shyǵý qıynǵa soqty. Álemdik juldyzben jeke fotoǵa túsýge tyrysqan turǵyndar akterdi jan-jaǵynan qysyp, taptap kete jazdady. Kúzetshilerge Býrakty qaıtadan ishke kirgizip, ǵımarattyń basqa esiginen shyǵarýǵa týra keldi. 

Buǵan deıin, Ataqty túrik akteri Býrak Ozchıvıttiń Aqtaýǵa nege kelgenin jazǵan bolatynbyz. 

Aıta keteıik, Býrak Ozchıvıt «Osman ımperııasy», «Qara Sevda», «Keremet Ǵasyr» telehıkaıalarymen tanymal.