Býrak Akıyldyz endi almatylyq fýtbol klýbynyń namysyn jyrtpaq
ALMATY. 7 aqpan. QazAqparat /Erlik Erjanuly/ - Búgin Túrkııada ótip jatqan ekinshi oqý-jattyǵý jıyny kezinde «Qaırat» fýtbol klýby 27 jastaǵy túrik aıaqdopshysy Býrak Akıyldyzben 1 jylǵa kelisimshart jasady.
Ótken maýsymda Birinshi lıgada óner kórsetetin «Denizlispor» komandasynda 10 match ótkizgen ol, birde-bir ret mergendik kórsete almaǵan edi.
Sporttyq mansabyn 1998-2006 jyldary «Göztepe SK» klýbynda bastaǵan Býrak 2006 jyly «Denizlispor» sapynda óner kórsetti. 2006-2007 jylǵy maýsymda «Bilecikspor» komandasyna jalǵa berilip, onda 33 match ótkizdi. Odan keıin «Marmaris Belediyerspor» komandasyna jalǵa berilgen fýtbolsha, 25 match ótkizip, 1 dop soqty. Odan keıin 2007-2011jyldary «Denizlispor» sapyna qaıta oralyp, 49 match ótkizdi. Sondaı-aq Premer-lıgada 1 ret mergendik tanytty. Al «Qaırat» sapynda sońǵy jıynda baıqaýǵa kelgen B. Akıyldyz joldastyq 4 kezdesýge qatysyp, 2 aqpanda Chernogorııanyń Birinshi lıgasynda ótken maýsymda 4-inshi oryn alǵan «Zeta» komandasymen bolǵan oıynda jeńis dobyn soqqan bolatyn.
