Burabike velosherýinen túsken qaıyrymdylyq qarajaty qaıda jumsalady
2300-den astam adam qatysqan velosherý men sonyń aıasynda uıymdastyrylǵan aýktsıon nətıjesinde jalpy somasy 189 mln teńge qarjy jınaldy. Osy jerde aıta ketken jón, uıymdastyrýshylar velosherý óz məresine jetkenimen, qol ushyn sozýshy qaıyrymdy jandar əli de habarlasyp jatqanyn aıtty.
Sonymen qatar, uıymdastyrýshylar sharadan túsken qarjyǵa Jambyl oblysy Merki aýdandyq ortalyq aýrýhanasyna, SQO Tımırıazev aýdandyq ortalyq aýrýhanasyna, Almaty oblysy Panfılov aýdandyq perzenthanasy men Alakól aýdandyq aýrýhanasyna jəne Qaraǵandy oblysynyń Aǵadyr aýyldyq aýrýhanalaryna asa qajetti medıtsınalyq jabdyqtar satyp alynatynyn aıtty.
«Biz qaıyrymdylyqtan túsken alǵashqy qarajatty shara Býrabaıda ótkendikten, Aqmola oblysynyń balalar úıi men shala týǵan səbılerge baǵyttadyq. Jyl sanap bizdiń kómek kórsetetin aımaǵymyz keńeıe túsýde. Sondyqtan, aldymen asa qatty muqtaj bolyp otyrǵan óńirlerge qol ushyn sozýǵa tyrysamyz",- dedi kəsipker, metsenat Bolat Ótemuratov.
Bunyń aldynda velosherý aıasynda uıymdastyrylǵan aýktsıonda G. Golovkınniń qoltańbasy qoıylǵan boks qolǵaby 6 mln teńgege satylǵan edi. Jalpy aýktsıonda Tour de France tústes velosıped eń joǵary baǵalanyp, 25 mln teńgege satyldy. Odan bólek, shara barysynda kontserttik baǵdarlama uıymdastyrylyp, basty qonaq retinde KeshYOU toby men Danelııa Tóleshova óner kórsetti.
