«BurabayLand-ta» qysqy maýsym bastaldy

KÓKShETAÝ. QazAqparat – Búgin QR Tuńǵysh Prezıdenti kúni Býrabaı baýraıyndaǵy «BurabayLand» ertegi-muz qalashyǵynda qysqy maýsymnyń ashylý saltanaty ótti, dep habarlaıdy QazAqparat tilshisi.

Býrabaıdaǵy Santa-Klaýstyń rezıdentsııasynda muz aıdynynda konkı teýip, buǵy jáne ıt jekken shanamen syrǵanaı alasyń. Sondaı-aq Santa-Klaýspen, elftarmen jáne ózge de ertegi keıipkerlerimen kezdesip, sýretke túsýge bolady.

Sońǵy kezderi «BurabayLand» balalarmen birge eresekterdiń de súıikti mekenine aınalyp otyr. Munda jyl saıyn myńdaǵan adam kelip, kóńil kóterip qaıtady. Qazaqstannyń ár óńirinde turatyn balalar Santa-Klaýsqa qys boıy hat jaza alady. Olarǵa mindetti túrde jaýap jazylatyny aıtylýda.

Maýsymnyń ashylýyna bul joly da oblystyń ər óńirinen jınalǵan eresekter men baldyrǵandar qatysty. Sharany uıymdastyrýshy «Býrabaı Damý» JShS kelýshilerge merekelik kóńil-kúı syılap, qýanyshqa bóledi.