Býrabaıǵa Naýryz merekesin toılaýǵa 10 myńǵa jýyq týrıst kelgen
KÓKShETAÝ. KAZINFORM – Býrabaı kýrortynda QR Prezıdentiniń Іs basqarmasy «Býrabaı damý» JShS jáne Býrabaı kentiniń ákimshiligi uıymdastyrǵan merekelik sharalarǵa 10 myńǵa jýyq adam adam qatysty. Bul Býrabaıǵa Naýryz meıramyn toılaýǵa kelgen býrabaılyqtar men týrısterdiń rekordtyq sany.
Kýrort turǵyndary men qonaqtary úshin talantty shyǵarmashylyq ujymdar kontserttik baǵdarlama usyndy.
Jınalǵandardyń barlyǵyna naýryz kóje, palaý jáne basqa da ulttyq taǵamdar usynyldy. Sondaı-aq, arqan tartý, armrestlıng, qoı kóterý tárizdi túrli ulttyq oıyndar ótkizildi.
«Naýryz meıramy jańa jyldyń, jańa bastamalardyń bastalýyn bildiredi, bul eń aldymen jaqsylyq, beıbitshilik, ózara qurmet pen kelisim merekesi. Kópshiliktiń qatysýymen ótken merekelik sharalar Naýryznamnyń 10 kúnge sozylǵan basty oqıǵalary boldy», - dedi «Býrabaı damý» JShS baspasóz qyzmetinen.
Aıta ketsek, budan buryn bes myńnan astam aqmolalyq Naýryz meıramyn dúrkiretip atap ótkenin jazǵany edik.
