Býrabaıǵa demalýǵa barǵan boıjetken jol apatynan kóz jumdy

KÓKShETAÝ. KAZINFORM — Aqmola oblysynda kvadratsıkl jol apatyna ushyrap, boıjetken kóz jumdy.

Aqmola oblysy PD baspasóz qyzmetiniń málimetinshe, jol-kólik oqıǵasy 27 shildede Býrabaı kýrortynda bolǵan.

Anyqtalǵandaı, Astanadan Býrabaıǵa demalýǵa kelgen eki qyz jergilikti jalǵa berý pýnktteriniń birinde «X5 Classic» markaly kvadrotsıklin jalǵa alǵan.

Kýrort aýmaǵyndaǵy joldyń burylysynda kvadratsıkldi basqarǵan 19 jastaǵy júrgizýshi rýlge ıe bola almaı, kólik aýdarylǵan.

Saldarynan artqy jaqta otyrǵan jolaýshy qyz alǵan dene jaraqatynan aýrýhanada qaıtys boldy. 

«Jol-kólik oqıǵasy deregine baılanysty Qylmystyq kodekstiń 306-baby 3-bóligi boıynsha tergeý amaldary qolǵa alyndy», — dedi vedomstvodan.

Aıta ketsek, budan buryn Aqmola oblysynda jeńil kólik túıege soǵylyp, bir adam kóz jumǵanyn jazǵan edik.