Býrabaıdaǵy vokzalǵa kópshiliktiń kóńili tola ma
ASTANA. QazAqparat - Parlament Májilisiniń depýtaty Ahmet Mýradov QR Premer-Mınıstriniń birinshi orynbasary Asqar Mamınge Býrabaı kýrortyndaǵy temirjol vokzalynyń jumysy boıynsha depýtattyq saýal joldady, dep habarlaıdy QazAqparat.
«Býrabaı kýrortyna demalýǵa baratyndardyń arasynda egde jastaǵy jáne densaýlyǵy nashar adamdar az emes. Osy oraıda kýrort stansasyndaǵy vokzalǵa jetken bette týrıster men jolaýshylar múldem túsiniksiz kedergiler men qolaısyz jaǵdaıǵa tap bolady»,-dedi Mýradov.
Onyń sózine qaraǵanda, stansadaǵy platforma relstik joldyń deńgeıinde ornalasqan. Osynyń saldarynan ary-beri júrip jatqan jolaýshylar qoldaryndaǵy júkterimen qınala otyryp, tómen jáne joǵary qaraı júrýge májbúr bolady.
Budan bólek, depýtat QTJ jelisi boıynsha birqatar jolaýshylar poıyzdary kýrort stansasynda 5-ten 8 mınýt aralyǵynda ǵana aıaldaıtynyn atap ótti. Osy ýaqyt jolaýshylar úshin óte az jáne adamdardy ábigerge salatyn kórinedi.
Sonymen birge jekemenshik tasymaldaýshylar poıyzdary stansada 13-25 mınýt aralyǵynda toqtap turady. Bul óz kezeginde jolaýshylardyń poıyzdarǵa emin-erkin otyrýyna jaǵdaı jasaıdy.
A. Mýradovtyń aıtýynsha, jyl saıyn Şýchınsk-Býrabaı kýrorttyq aımaǵynda joldardy jóndeýge, sý qubyrlary men káriz júıesiniń qurylysyna, jaıaý júrginshiler men velosıped jodaryn salýǵa 61 mlrd teńgeden astam qarjy bólinedi. Onyń ishinde kóliktik-logıstıkalyq ınfraqurylymǵa 6 mlrd 241 mln teńge qarastyrylady. Táýligine atalǵan stansadaǵy temirjol vokzaly arqyly 15 jup poıyz júredi, al jalaýshylar aǵynynyń ortasha deńgeıi 1410 damdy qurap otyr.
