Býrabaıdaǵy Úlken Shabaqty kólinde balyqtardyń qyrylý sebebi anyqtalyp jatyr

KÓKShETAÝ. QazAqparat - Býrabaıdaǵy Úlken Shabaqty kólinde balyqtardyń qyrylý deregi anyqtaldy. Jaǵaǵa shyǵyp qalǵan taban, alabuǵa tárizdi óli balyqtardyń sýretteri men vıdeosy áleýmettik jelide jarııalandy, dep habarlaıdy QazAqparat tilshisi.

«Býrabaı» memlekettik ulttyq tabıǵı parkiniń resmı málimeti boıynsha, qazirgi kezde ǵylymı bóliminiń mamandary tabylǵan jerge baryp, taldaý úshin sý synamalaryn alǵan.

«Sýdyń gıdrohımııalyq taldaýy kórsetkendeı, balyqtar qyrylǵan aýmaqtaǵy sýdyń quramy qalypty shekterde, balyqtyń ólimi jeke sıpatta. Jyl saıyn osy ýaqytta kók jasyl baldyrlardyń gúldenetin kezi. Osy kezde olar óttegin sińirip, kómirqyshqyl gazyn bóledi. Al bul balyqtardyń ólýine ákeledi. Bul negizinen taıaz jerlerde bolady», - deıdi vedomstvodan.

Osy rette, «Býrabaı» memlekettik ulttyq tabıǵı parkiniń mamandary kelýshiler men balyqshylarǵa balyqtardyń ólý deregi anyqtalǵan kezde janýarlar dúnıesin qorǵaý bólimine 8 716 36 71 7 67 jáne (87472909059) telefondary boıynsha habarlaýdy suraıdy.

Aıta ketsek, budan buryn kıik atqan aqmolalyqqa qatysty is qozǵalǵan bolatyn.