Býrabaıdaǵy saýyqtyrý lagerinde 7 synyp oqýshysynyń ólimine qatysty is tergelýde - Aqmola oblysy
KÓKShETAÝ. QazAqparat - Býrabaıdaǵy saýyqtyrý lagerinde 7 synyp oqýshysynyń kóz jumýyna baılanysty qylmystyq is qozǵaldy. Bul týraly Aqmola oblystyq ІІD baspasóz qyzmeti habarlady.
Polıtseılerdiń málimeti boıynsha 15 maýsym kúni saǵat 19:40 shamasynda Býrabaı aýdandyq ІІB kezekshilik bólimine jedel járdem qyzmetiniń dıspetcheri habarlasyp, 2002 jyly týǵan jasóspirimniń aýdandyq aýrýhanaǵa alyp kele jatqan jolda qaıtys bolǵanyn aıtqan.
«Osyǵan oraı oqıǵa ornyna aýdandyq ІІB-niń jedel tergeý toby jetti. Tergeý toby anyqtaǵandaı 2016 jyldyń 15 maýsymynda keshki saǵat 18:20 shamasynda Anna Malıkova bir top qyzdarmen taza aýada oılap júrip, baıqaýsyzda kireberis esiktiń áınegin syndyryp alyp, jaralanǵan. Keıin aýdandyq aýrýhanaǵa jedel járdem qyzmetimen apara jatqan kezde qyz bala jolda qaıtys boldy», dep kórsetilgen habarlamada.
Qazirgi kezde atalǵan oqıǵaǵa baılanysty QR QK 141 babynyń 2 bólimi boıynsha sotqa deıingi tergeý amaldary qolǵa alynyp, birqatar saraptama jumystary taǵaıyndaldy.
