Býrabaıdaǵy Rixos qonaqúı kesheni aýmaǵynan órt shyqty
KÓKShETAÝ. QazAqparat - Aqmola oblysy Býrabaıdaǵy Rixos qonaqúı kesheni aýmaǵynan órt shyqty, dep habarlaıdy QazAqparat tilshisi.
Áleýmettik jelide taraǵan vıdeojazbaǵa qaraǵanda, órt Rixos qonaqúı kesheni aýmaǵyndaǵy alasa bir qabatty ǵımaratty sharpyp jatyr. Tótenshe jaǵdaıdyń oryn alǵany týraly aqparatty Aqmola oblysynyń TJD rastap otyr.
«Órt Rixos qonaqúı kesheni aýmaǵynda ornalasqan «№9 Pavılon» dámhanasynda oryn aldy. Tilsiz jaýdy aýyzdyqtaýǵa TJD órt sóndirýshileri men arnaıy órt sóndirý tehnıkalary tartyldy. Órttiń shyǵý sebep-saldary keıin anyqtalady», - dep jaýap qatty QazAqparat tilshisiniń saýalyna Aqmola oblysynyń TJD qyzmetkerleri.
