Býrabaıdaǵy qonaqúıden 1,2 mıllıon teńgeniń asyl buıymdaryn tonaǵan kúdikti ustaldy
KÓKShETAÝ. QazAqparat - Aqmola oblysynyń Býrabaı aýdanyndaǵy qonaqúıden urlanǵan asyl buıymdar tabyldy, dep habarlaıdy QazAqparat tilshisi oblystyq Polıtsııa departamentiniń baspasóz qyzmetine silteme jasap.
Vedomstvonyń málimetinshe, 2020 jylǵy mamyrdyń 15-de Býrabaı aýdandyq PB kezekshilik bólimine kýrorttyq aımaqtaǵy qonaqúılerdiń birindegi qaýpsizdik qyzmetiniń basshysynan aryz tústi.
Er adamnyń sózinshe, «Grand-otel» keńsesinen asyl buıymdar salynǵan konvert joǵalǵan.
«Shyǵyn kólemi 1 257 000 teńgeni qurady. Krımınaldy polıtsııa bólimshesiniń qyzmetkerleri Şýche qalasynyń 23 jastaǵy turǵynyn ustady. Odan zattaı aıǵaqtar alyndy», - dep túsindirdi vedomstvodan.
Qazirgi kezde, QR QK 188 babynyń 1 bóligi boıynsha «urlyq» sotqa deıingi tergeý amaldary júrgizilýde.
