Býrabaıdaǵy qoqys Aqmola oblysy ákiminiń ashýyn keltirdi
KÓKShETAÝ. QazAqparat - Aqmola oblysynyń ákimi Málik Myrzalın búgin Býrabaı kentine baryp, kýrorttyq aımaq ınfraqurylymynyń qurylysymen tanysty. Bul týraly QazAqparat oblys ákiminiń keńesshisi Marat Iǵalıevke silteme jasap habarlaıdy.
«Býrabaı kenti jáne aýdan ákimdiginiń jumysy, ásirese kýrort aýmaǵyn qoqystan tazalaý máselesi qatty synǵa alyndy», - deıdi M. Iǵalıev.
Óńir basshysy týrıster úshin qolaıly jaǵdaılar jasaý qajettiligine nazar aýdardy. Málik Myrzalın Botaı mádenıeti mýzeıin salý, akvaparktiń ashylýy, Býrabaı kentiniń ortalyq alańyn jóndeý, sondaı-aq páterler bıýrosy men aqparattyq ortalyq keńseleriniń qurylysy jónindegi jumystardy jyldamdatýdy tapsyrdy.
Oblys ákimi Býrabaı kentiniń turǵyndarymen de kezdesti. Kezdesýde jurtshylyqtyń suraqtaryna jaýap berilip, kýrorttyq aımaqty damytý josparlary aıtyldy.
